ਭਾਰਤ ’ਤੇ ਲੱਗ ਸਦਕਾ ਹੈ 50 ਨਹੀਂ 15 ਫੀਸਦੀ ਅਮਰੀਕੀ ਟੈਰਿਫ

ਨਵੀਂ ਦਿੱਲੀ/ਬਿਊਰੋ ਨਿਊਜ਼ 

ਭਾਰਤ ਅਤੇ ਅਮਰੀਕਾ ਵਿਚਾਲੇ ਜਲਦ ਹੀ ਟਰੇਡ ਡੀਲ ਹੋਣ ਦੇ ਆਸਾਰ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਭਾਰਤ ਦੀਆਂ ਚੋਣਵੀਆਂ ਵਸਤੂਆਂ ’ਤੇ ਲੱਗਣ ਵਾਲਾ 50 ਫੀਸਦੀ ਟੈਰਿਫ ਘਟ ਕੇ 15 ਫੀਸਦੀ ਹੋ ਸਕਦਾ ਹੈ। ਅਮਰੀਕੀ ਮਾਹਿਰ ਦਾਅਵਾ ਕਰ ਰਹੇ ਹਨ ਕਿ ਭਾਰਤ ਹੌਲੀ-ਹੌਲੀ ਰੂਸੀ ਕੱਚੇ ਤੇਲ ਦੀ ਖਰੀਦ ਵਿਚ ਕਮੀ ਲਿਆ ਸਕਦਾ ਹੈ। ਨਾਲ ਹੀ, ਅਮਰੀਕਾ ਨੌਨ ਜੈਨੇਟਿਕਲੀ ਮੌਡੀਫਾਈਡ ਮੱਕਾ ਅਤੇ ਸੋਇਆਮੀਲ ਲਈ ਵੀ ਬਜ਼ਾਰ ਨੂੰ ਖੋਲ੍ਹ ਸਕਦਾ ਹੈ। ਇਸੇ ਦੌਰਾਨ ਭਾਰਤ ਦਾ ਮੰਨਣਾ ਹੈ ਕਿ ਤੇਜ਼ੀ ਨਾਲ ਵਧੀ ਘਰੇਲੂ ਪੋਲਟਰੀ, ਡਾਇਰੀ ਅਤੇ ਐਥੇਨਾਲ ਇੰਡਸਟਰੀ ਵਿਚ ਅਮਰੀਕੀ ਉਤਪਾਦ ਖਪ ਜਾਣਗੇ। ਇਸ ਨਾਲ ਭਾਰਤੀ ਕਿਸਾਨਾਂ ਦੇ ਹਿੱਤ ਵੀ ਪ੍ਰਭਾਵਿਤ ਨਹੀਂ ਹੋਣਗੇ। ਇਸ ਸਮੇਂ ਭਾਰਤ ਸਲਾਨਾ ਕਰੀਬ 5 ਲੱਖ ਟਨ ਮੱਕਾ ਅਮਰੀਕਾ ਤੋਂ ਆਯਾਤ ਕਰਦਾ ਹੈ।