ਭਾਰਤ ਦੀ ਮਣਿਕਾ ਵਿਸ਼ਵਕਰਮਾ ਟੌਪ 30 ਤੱਕ ਹੀ ਪਹੁੰਚੀ

ਨਵੀਂ ਦਿੱਲੀ/ਬਿਊਰੋ ਨਿਊਜ਼     

ਮੈਕਸੀਕੋ ਦੀ ਫਾਤਿਮਾ ਬੋਸ਼ ਫਰਨਾਂਡੇਜ਼ ਨੇ ਮਿਸ ਯੂਨੀਵਰਸ 2025 ਦਾ ਖਿਤਾਬ ਹਾਸਲ ਕਰ ਲਿਆ ਹੈ। ਫਾਤਿਮਾ ਬੋਸ਼ ਦੀ ਉਮਰ 25 ਸਾਲ ਹੈ। ਇਸਦੇ ਚੱਲਦਿਆਂ ਮਿਸ ਯੂਨੀਵਰਸ ਮੁਕਾਬਲੇ ਲਈ ਭਾਰਤ ਵਲੋਂ ਗਈ ਮਣਿਕਾ ਵਿਸ਼ਵਕਰਮਾ ਟੌਪ-30 ਤੱਕ ਤਾਂ ਪਹੁੰਚ ਗਈ, ਪਰ ਉਹ ਟੌਪ-12 ਵਿਚ ਜਗ੍ਹਾ ਨਹੀਂ ਬਣਾ ਸਕੀ। ਚਾਰ ਰਾਊਂਡ ਤੋਂ ਬਾਅਦ ਟੌਪ-5 ਵਿਚ ਥਾਈਲੈਂਡ ਦੀ ਪਰਵੀਨਰ, ਫਿਲੀਪੀਨਜ਼ ਦੀ ਆਤਿਮਾ ਮਨਾਲੋ, ਵੈਨਜੂਏਲਾ ਦੀ ਸਟੇਫਨੀ ਅਬਸਾਲੀ, ਮੈਕਸੀਕੋ ਦੀ ਫਾਤਿਮਾ ਬੋਸ਼ ਫਰਨਾਂਡੇਜ਼ ਅਤੇ ਆਈਬਰੀ ਕੋਸਟ ਦੀ ਓਲੀਵੀਆ ਯਾਸੇ ਨੇ ਜਗ੍ਹਾ ਬਣਾਈ ਸੀ। ਇਸ ਤੋਂ ਬਾਅਦ ਮੈਕਸੀਕੋ ਦੀ ਫਾਤਿਮਾ ਬੋਸ਼ ਨੂੰ ਜੇਤੂ ਐਲਾਨਿਆ ਗਿਆ। ਫਾਤਿਮਾ ਬੋਸ਼ ਨੂੰ 2024 ਦੀ ਮਿਸ ਯੂਨੀਵਰਸ ਵਿਕਟੋਰੀਆ ਥੇਲਵਿਗ ਨੇ ਤਾਜ ਪਹਿਨਾਇਆ। ਜ਼ਿਕਰਯੋਗ ਹੈ ਕਿ ਮਿਸ ਯੂਨੀਵਰਸ 2025 ਵਿਚ ਥਾਈਲੈਂਡ ਦੀ ਪਰਵੀਨਰ ਸਿੰਘ ਨੇ ਦੂਜਾ ਸਥਾਨ ਹਾਸਲ ਕੀਤਾ ਹੈ।