ਬੰਗਾਲ ’ਚ 34 ਲੱਖ ਆਈ.ਡੀ. ਧਾਰਕ ਹੁਣ ਜਿੰਦਾ ਨਹੀਂ

ਨਵੀਂ ਦਿੱਲੀ/ਬਿਊਰੋ ਨਿਊਜ਼ 

ਭਾਰਤ ਵਿਚ ਜਨਵਰੀ 2009 ਵਿਚ ਅਧਾਰ ਕਾਰਡ ਲਾਗੂ ਹੋਇਆ ਸੀ। ਹਰ ਨਾਗਰਿਕ ਨੂੰ ਅਧਾਰ ਨੰਬਰ ਜਾਰੀ ਕਰਨ ਦੀ ਸ਼ੁਰੂਆਤ ਨੂੰ 15 ਸਾਲ ਹੋ ਚੁੱਕੇ ਹਨ। ਇਸ ਦੌਰਾਨ 142 ਕਰੋੜ ਤੋਂ ਜ਼ਿਆਦਾ ਅਧਾਰ ਕਾਰਡ ਜਾਰੀ ਹੋਏ, ਪਰ 8 ਕਰੋੜ ਤੋਂ ਜ਼ਿਆਦਾ ਧਾਰਕਾਂ ਦੀ ਮੌਤ ਦੇ ਬਾਵਜੂਦ ਵੀ ਸਿਰਫ 1 ਕਰੋੜ 83 ਲੱਖ ਕਾਰਡ ਹੀ ਆਯੋਗ ਕੀਤੇ ਗਏ ਹਨ। ਮੀਡੀਆ ਦੀ ਰਿਪੋਰਟ ਮੁਤਾਬਕ ਕਰੀਬ 6 ਕਰੋੜ ਮਿ੍ਰਤਕਾਂ ਦੇ ਅਧਾਰ ਅਜੇ ਵੀ ਸਰਗਰਮ ਹਨ। ਪੱਛਮੀ ਬੰਗਾਲ ਵਿਚ 34 ਲੱਖ ਦੇ ਕਰੀਬ ਅਧਾਰ ਕਾਰਡ ਧਾਰਕਾਂ ਦੀ ਮੌਤ ਹੋ ਚੁੱਕੀ ਹੈ, ਪਰ ਉਨ੍ਹਾਂ ਦੇ ਅਧਾਰ ਕਾਰਡ ਅਜੇ ਵੀ ਸਰਗਰਮ ਹਨ। ਇਸ ਨਾਲ ਬੈਂਕ ਧੋਖਾਧੜੀ, ਜਾਅਲੀ ਖਾਤਿਆਂ ਅਤੇ ਸਰਕਾਰੀ ਯੋਜਨਾਵਾਂ ਦੇ ਲਾਭਾਂ ਵਿਚ ਬੇਨਿਯਮੀਆਂ ਦਾ ਖਤਰਾ ਵਧ ਗਿਆ ਹੈ।