ਨਵੀਂ ਦਿੱਲੀ/ਬਿਊਰੋ ਨਿਊਜ਼  
ਸ਼ੇਅਰ ਬਜ਼ਾਰ ਵਿਚ ਅੱਜ ਮੰਗਲਵਾਰ ਨੂੰ ਸ਼ੁਰੂਆਤ ਖਰਾਬ ਰਹੀ ਅਤੇ ਦੋਵੇਂ ਇੰਡੈਕਸ ਸੈਂਸੈਕਸ-ਨਿਫਟੀ ਦੀ ਚਾਲ ਬਦਲੀ-ਬਦਲੀ ਨਜ਼ਰ ਆਈ। ਇਕ ਪਾਸੇ ਜਿੱਥੇ ਬੌਂਬੇ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 450 ਅੰਕ ਹੇਠਾਂ ਆ ਗਿਆ ਤਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦੇ ਨਿਫਟੀ ਨੇ ਵੀ ਸ਼ੁਰੂਆਤ ਦੇ ਨਾਲ ਹੀ 100 ਅੰਕ ਦਾ ਗੋਤਾ ਲਗਾ ਦਿੱਤਾ ਸੀ। ਦੁਪਹਿਰ ਨੂੰ ਘੜੀ ’ਤੇ ਜਿਵੇਂ 2 ਵੱਜੇ, ਉਸੇ ਵੇਲੇ ਸ਼ੇਅਰ ਬਜ਼ਾਰ ਵਿਚ ਤੇਜ਼ ਗਿਰਾਵਟ ਆਈ। ਸੈਂਸੈਕਸ ਉਪਰਲੀ ਸਤਰ ਤੋਂ 800 ਅੰਕ ਟੁੱਟ ਗਿਆ। ਇਕ ਸਮੇਂ ਸੈਂਸੈਕਸ 81 ਹਜ਼ਾਰ 899 ਰੁਪਏ ਦੇ ਪੱਧਰ ਤੱਕ ਪਹੁੰਚ ਗਿਆ ਸੀ। ਉਥੇ ਹੀ ਹੁਣ 81 ਹਜ਼ਾਰ 88 ਰੁਪਏ ਦੇ ਪੱਧਰ ਤੱਕ ਹੇਠਾਂ ਆ ਗਿਆ ਹੈ। ਸ਼ੇਅਰ ਬਜ਼ਾਰ ’ਤੇ ਜਿੱਥੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਫੈਸਲਿਆਂ ਨਾਲ ਵਧੀ ਗਲੋਬਲ ਪ੍ਰੇਸ਼ਾਨੀ ਦਾ ਡਰ ਦੇਖਣ ਨੂੰ ਮਿਲ ਰਿਹਾ ਹੈ ਤਾਂ ਭਾਰਤ-ਯੂਰਪੀਅਨ ਯੂਨੀਅਨ ਦੇ ਵਿਚਾਲੇ ਡੀਲ ਦਾ ਅਸਰ ਵੀ ਸਾਫ ਦਿਸ ਰਿਹਾ ਹੈ।