ਨਿਯਮਾਂ ’ਚ ਹੋ ਗਿਆ ਵੱਡਾ ਬਦਲਾਅ

ਨਵੀਂ ਦਿੱਲੀ/ਬਿਊਰੋ ਨਿਊਜ਼

ਵਿਦੇਸ਼ ਤੋਂ ਆਉਣ ਵਾਲੇ ਯਾਤਰੀਆਂ ਲਈ ਖੁਸ਼ੀ ਦਾ ਸਮਾਨ ਥੋੜ੍ਹਾ ਭਾਰੀ ਹੋਣ ਵਾਲਾ ਹੈ। ਸਰਕਾਰ ਨੇ 2016 ਦੇ ਪੁਰਾਣੇ ਨਿਯਮਾਂ ਦੀ ਥਾਂ ਹਵਾਈ ਅਤੇ ਸਮੁੰਦਰੀ ਰਸਤੇ ਭਾਰਤ ਆਉਣ ਵਾਲੇ ਯਾਤਰੀਆਂ ਲਈ ‘ਬੈਗੇਜ ਨਿਯਮ 2026’ ਲਾਗੂ ਕੀਤਾ ਹੈ। ਇਹ ਨਿਯਮ, ਲੰਘੇ ਕੱਲ੍ਹ 2 ਫਰਵਰੀ ਨੂੰ ਲਾਗੂ ਹੋਏ ਹਨ। ਯਾਤਰੀਆਂ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਮਹਿੰਗੀਆਂ ਚੀਜ਼ਾਂ ਡਿਊਟੀ ਮੁਕਤ ਘਰ ਲਿਆਉਣ ਦੀ ਆਗਿਆ ਦਿੰਦੇ ਹਨ। ਨਵੇਂ ਨਿਯਮਾਂ ਤਹਿਤ, ਭਾਰਤ ਨਿਵਾਸੀ ਜਾਂ ਵੈਧ ਵੀਜ਼ਾ ਵਾਲੇ ਵਿਦੇਸ਼ੀ ਨਾਗਰਿਕ ਹੁਣ 75 ਹਜ਼ਾਰ ਰੁਪਏ ਤੱਕ ਦਾ ਸਮਾਨ ਡਿਊਟੀ ਮੁਕਤ ਲਿਆ ਸਕਦੇ ਹਨ, ਜੋ ਪਿਛਲੀ ਸੀਮਾ 50 ਹਜ਼ਾਰ ਸੀ। ਇਸਦਾ ਮਤਲਬ ਹੈ ਕਿ ਤੁਹਾਨੂੰ ਹੁਣ ਹਵਾਈ ਅੱਡੇ ’ਤੇ ਛੋਟੀਆਂ ਖਰੀਦਾਂ ਲਈ ਪੈਸੇ ਖਰਚਣ ਜਾਂ ਟੈਕਸ ਅਦਾ ਕਰਨ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ।