ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤ ਦੌਰੇ ’ਤੇ ਪਹੁੰਚੇ ਜਰਮਨੀ ਦੇ ਚਾਂਸਲਰ ਫਰੈਡਰਿਕ ਮਰਜ਼ ਨੇ ਅਹਿਮਦਾਬਾਦ ਵਿਚ ਅੰਤਰਰਾਸ਼ਟਰੀ ਪਤੰਗ ਮੇਲੇ ਵਿਚ ਭਾਗ ਲਿਆ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮਿਲ ਕੇ ਭਾਰਤੀ ਰੀਤੀ-ਰਿਵਾਜ਼ਾਂ ਦਾ ਆਨੰਦ ਮਾਣਿਆ। ਇਸ ਮੌਕੇ ਪ੍ਰਧਾਨ ਮੰਤਰੀ ਮੋਦੀ ਨੇ ਜਰਮਨੀ ਦੇ ਚਾਂਸਲਰ ਨੂੰ ਪਤੰਗ ਉਡਾਉਣ ਦੇ ਤਰੀਕੇ ਵੀ ਦੱਸੇ। ਇਸ ਮੇਲੇ ਦੌਰਾਨ ਅਸਮਾਨ ਵਿਚ ਉਡ ਰਹੇ ਪਤੰਗ ਸਿਰਫ ਮਨੋਰੰਜਨ ਦਾ ਸਾਧਨ ਨਹੀਂ ਹਨ, ਸਗੋਂ ਭਾਰਤੀ ਫੌਜ ਅਤੇ ਕੌਮੀ ਤਾਕਤ ਦਾ ਪ੍ਰਤੀਕ ਵੀ ਹੈ। ਭਾਜਪਾ ਨੇ ਇਸ ਮੇਲੇ ਨੂੰ ਉਭਰਦੇ ਹੋਏ ਭਾਰਤ ਦਾ ਪ੍ਰਤੀਕ ਕਰਾਰ ਦਿੱਤਾ ਹੈ। ਭਾਜਪਾ ਆਗੂ ਅਮਿਤ ਮਾਲਵੀਆ ਨੇ ਕਿਹਾ ਹੈ ਕਿ ਅਹਿਮਦਾਬਾਦ ਵਿਚ ਹੋਇਆ ਇਹ ਪਤੰਗ ਮੇਲਾ ਭਾਰਤ ਦੀ ਸੰਸਕ੍ਰਿਤੀ, ਆਤਮ ਵਿਸ਼ਵਾਸ ਅਤੇ ਵਿਸ਼ਵ ਨਾਲ ਤਾਲਮੇਲ ਨੂੰ ਦਰਸਾਉਂਦਾ ਹੈ। ਜਰਮਨੀ ਦੇ ਚਾਂਸਲਰ ਫਰੈਡਰਿਕ ਦੀ ਭਾਰਤ ਦੀ ਇਹ ਪਹਿਲੀ ਅਧਿਕਾਰਕ ਯਾਤਰਾ ਹੈ।
